גרינ'ס בעקעריי און דער באבקע

"גרינ'ס" איז א וועלט-באקאנטע קאשערע בעקעריי אין ברוקלין, באקאנט מערסטנס פאר אירע שאקאלאד- און צימערינג-באבקעס, ראגעלעך און היימישע קוכנס.

לויט דער בעקעריי שטאמען די רעצעפטן פון א פאמיליע פונעם שטעטל האלמין אין אונגארן, וועלכע איז געווען באקאנט אין דער גאנצער געגנט פאר אירע געבעקסן. די קינדער האבן אנגעהויבן אין א קליינעם קעלער אין ברוקלין, און אזוי איז געבוירן געווארן דאס באקאנטע געשעפט.

היינט באקט די 12,500 קוואדראט-פוס בעקעריי, אויף 65 פרענקלין עוועניו, איבער א מיליאן באבקעס א יאר. איבער 25 יאר האט גרינ'ס געבאקן די באבקעס פאר דער באקאנטער "דין & דעלוקא" קעטל. די בעקעריי האט צוויי קיכן – איינע אינגאנצן פארעוו און ניס-פריי – און שטייט אונטער דער השגחה פון OK און דעם "סענטראל ראבינישן קאנגרעס". שבת איז פארמאכט, פארשטייט זיך.