אלעד

אלעד איז א שטאט אין ארץ ישראל, בערך 25 קילאמעטער מזרח פון תל אביב, אויף וועג 444 צווישן ראש העין און שהם. אין 2024 האבן דארט געוואוינט 50,846 מענטשן.

אלעד איז דער איינציגער ארט אין ארץ ישראל וואס איז אפיציעל באצייכנט געווארן אלס א רעליגיעזע שטאט. דער נאמען "אלעד" מיינט "ג-ט אויף אייביג", און איז אויך נאך א מענטש פון שבט אפרים וואס האט געוואוינט אין דער געגנט (דברי הימים א, ז, כא). דאס בויען פון דער שטאט האט זיך אנגעהויבן אין די שפעטע 1990ער יארן. היינט איז אלעד א לעבעדיגע שטאט פול מיט משפחות, שולן, כוללים, חדרים און תלמודי תורה, סיי פון אשכנזים סיי פון ספרדים.