770 – איסטערן פארקוויי

770 איסטערן פארקוויי, באקאנט פשוט אלס "770" ("סעווען סעווענטי"), איז די אדרעס פון דער וועלט-הויפטקווארטיר פון חסידות חב"ד-ליובאוויטש, אויף איסטערן פארקוויי אין דער שכונה קראון הייטס אין ברוקלין.

דער בנין איז דער צענטער פון דער גאנצער חב"ד באוועגונג איבער דער וועלט, און פאר פיל אידן איז ער א באקאנטער סימבאל אין דער אידישער וועלט. דער רבי זי"ע האט דא געדאווענט, פארבראכט און אויפגענומען טויזנטער אידן.

צו יעדן יום טוב, און באזונדערס צו תשרי, קומען אהער טויזנטער חסידים פון אלע עקן וועלט. דער בנין'ס באקאנטע פראנט איז נאכגעמאכט געווארן אין פיל חב"ד הייזער אויף דער וועלט, ווי אין כפר חב"ד אין ארץ ישראל.